Om samfunnstryggleik og beredskap
Samfunnstryggleik
Kommunen må vere budd på å handtera uønska hendingar. I akuttfasen vil det normalt vera brann- og redningstenesta og politiet som leiar krisearbeidet.
Kvar og ein må vere budde på uønska hendingar. Det er viktig at me alle tek ansvar og syter for naudsynte tiltak. Dette kan vera brannførebyggande tiltak og, eller flaumsikringstiltak rundt eigen bustad, eigedom. I situasjonar der den kommunale kriseleiinga tek ansvar, vil oppdateringar til innbyggjarane i stor grad koma via denne nettsida eller kommunen sin varslingteneste og gjennom media.
Samfunnstryggleik slik det er definert: "Samfunnet si evne til å hindra hendingar, redusera skadeverknadene når det skjer, og evne til å koma attende til normaltilstand så snart som mogleg"
Personleg beredskap
På nettstaden Sikker hverdag finn du svar på alt om å førebu deg på ei eventuell krise i framtida.
Årdal kommune bruker varslingssystemet «Varsling 24» for å kunne nå innbyggarane raskt med viktige meldingar. Varslinga skjer ved utsending av tekstmelding (SMS) til mobiltelefon, talemelding til fasttelefon og e-post.
Varslingssystemet vil bli brukt for å nå innbyggarane digitalt med meldingar når dette er føremålstenleg. Det kan vere ved stenging av vatn, kokevarsel, stengde vegar, evakuering, generelle servicemeldingar eller andre situasjonar som krev rask informasjon.
Kommunane er pålagt å kartlegga uønska hendingar og konsekvensen av desse. Risiko og sårbarheitsanlyse (ROS) er verktyet ein nyttar.
Målsettinga med kommunen sitt arbeid for beredskap er å redusere sårbarheita og gjere lokalsamfunnet meir robust ved å redusere omfanget av uønska hendingar.
Beredskapsplan er basert på gjennomførte ROS analyser for å sikre at planverket er retta mot tenkelege hendingar i kommunen, men den skal og ta høgde for det uventa. Beredskapsplanen vert revidert årleg.
Beredskapsarbeidet skal vere basert på ansvarsprinsippet at uønska hendingar skal løysast av den organisasjonen som løyser dei daglegdagse hendingane og på lågast mogleg nivå i organisasjonen.
Kommunal kriseleiing er leiarapparat som vert sett for å handtere krisesituasjonar. Kriseleiinga vil ha utvida fullmakter i forhold til ordinære forhold.
Beredskapsleiinga i kommunen består av:
- Ordførar
- Kommunedirektør
- Kommunalsjef Helse, omsorg og NAV
- Brannsjef
- Politi
- Informasjonsansvarleg
Psykososialt kriseteam
Dette teamet vil innehalde fagpersonar som kan å hjelpe menneske i sorg, i krise eller ved katastrofe.
Sist endra 30.04.2024 09:24