Trafikktryggleiksplan 2016 - 2022 (2026)

Last ned og les gjennom heile Temaplan for utedrift. (PDF, 587 kB)

Denne temaplanen omfattar dei fleste aktivitetsområde som ligg innafor utedrifta i kommunen. Planen fastlegg kommunen sine prioriteringar for aktiviteten i planperioden.  Veg/trafikkdelen er ei oppdatert utgåve av tilsvarande plan for 2010 – 19.

Planen vil m.a. liggja til grunn for detaljplanlegging/utbygging og drift av anlegga i perioden 2016 – 2026, og han skal danna grunnlag m.a. for årlege søknader om trafikk-tryggingsmidlar frå Fylkeskommunen og vera ein del av grunnlaget for økonomiplan-arbeidet i kommunen

1.1 GENERELT

Vegsektoren

Samferdsle er ei grunnleggjande verksemd. Eit veldrive og godt utbygt vegnett har mykje å seia for innbyggjarane sin kvardag. Vegsystemet har, i tillegg til å fungera som ei rasjonell transportåre, mange ulike funksjonar, som t.d. å vera skuleveg, turveg ….

Vegforvalting er eit samansett aktivitetsområde. Medan brukarane opplever vegnettet som ei samanhengande eining, er forvaltinga fordelt på fleire nivå. Det vil såleis m.a. vera trong for spesiell merksemd på samordning.

Vidare er det viktig at ein fokuserer på dei økonomiske verdiane vegnettet representerer.

Trafikktryggleik

Trafikkulukker er eit omfattande problem i eit moderne samfunn. Politiet registrerer årleg  om lag 12.000 trafikkskadde personar her i landet. I tillegg til dette blir mange ulukker aldri melde. Dette gjeld  i særleg grad dei som ikkje omfattar personskader eller som berre omfattar lettare personskader. Samla tal skadde i Noreg er berekna til  35-40.000 i året.

Dette gjev store konsekvenser for den einskilde trafikkskadde, men også for samfunnet i form av økonomiske utslag m.a. innanfor helsesektoren. Vegstyresmaktene reknar at kvar ulukke med personskader kostar samfunnet om lag 2 millionar kroner. Sjølv om ein berre reknar med dei rapporterte ulukkene, er samla kostnad for samfunnet over 20 milliarder kroner i året. Møteulukker og utforkøyringsulukker har større kostnader enn snittet

For å oppnå auka innsats i trafikktryggingsarbeidet, må ei rekkje verkemiddel takast i bruk. Her sit kommunane med ei sentral rolle, og frå og med år 2001 har kommunal trafikk-tryggingsplan vore ein føresetnad for å få tildelt statlege/fylkeskommunale trafikk-tryggingsmidlar.

Oppsummert er målet med denne planen å:

• gje ei samla oversikt over trafikkfarlege stader i kommunen og prioritera tiltak m.a. for å gje grunnlag for støtte frå statlege trafikktryggingsmidlar
• fokusera på haldningskapande tiltak, t.d. gjennom at barn og unge blir trekt inn i trafikktryggingsarbeidet
• sikra eit godt og tenleg vegsystem for dei ulike brukargruppene
• ta vare på verdiane som er nedlagde i vegsystemet
• sikra at dei kommunale ressursane i vegforvaltinga ut frå ovannemnde blir sett inn der dei gir størst effekt.

1.2 REGELVERKET

Ei rekkje lover, forskrifter m.m. har innverknad på trafikktryggleiken og vegane. Følgjande er dei viktigaste:

• Vegtrafikklova med tilhøyrande forskrifter og utfyllande reglar dannar grunnlaget for svært mange trafikktryggingstiltak, skilt, trafikkopplæring, krav til køyretøy osb.
• Veglova omfattar m.a. heimel til fastsetjing av standarden på vegnettet både på hovudvegar og lokalvegar. Vidare blir kostnadsfordelinga mellom staten, fylkeskommunen og kommunane avklart for riksvegar, fylkesvegar og kommunale vegar.
• I tillegg til dette har Statens Vegvesen gjeve ut eigne handbøker. Desse er i første rekke meint til bruk i etaten sjølv, men også gjort tilgjengeleg for andre slik som kommunane. Ein viktig del av desse handbøkene er Vegnormalane der krav til bygging og vedlikehald/drift av fylkesvegar/ riksvegar er sette opp. Dette dannar eit viktig grunnlag også for kommunale vegar.
• Plan og bygningslova (PBL) er svært viktig for å kunna gjennomføra fysiske tiltak i den einskilde kommune. Planlegging av vegar følgjer no reglane i PBL. Lova gir og det juridiske grunnlaget for oreigning av grunn i samband med iverksetjing av tiltak.
• Med heimel i PBL er det fastsett Rikspolitiske Retningslinjer for å ivareta barn og unge sine interesser i planlegging. Dette er viktig m.a. i høve til trafikktrygging.

1.3     AKTØRAR I VEGSEKTOREN OG I TRAFIKKTRYGGINGSARBEIDET

Mange instansar arbeider med veg og trafikk:

Statens Vegvesen

har ansvar for ei rekkje tiltak og forvaltingsoppgåver:

• På riksvegane med grunnlag i statlege løyvingar
• På fylkesvegane med grunnlag i løyvingar frå fylkeskommune og statlege tilskot
• Kontroll av teknisk tilstand på bil/motorsyklar etc
• Utferding av sertifikat for motorkøyrety
• Samarbeid om opplæring i skule/barnehage/friviljuge organisasjonar
• Har skiltmynde for dei fleste skilt
• Gjennomfører trafikktryggingsynfaring i kommunane kvart 3. år
• Gjev ut handbøker – m.a. Vegnormalane

Fylkeskommunen

er eigar av fylkesvegnettet, som frå og med år 2010 er vorte utvida ved overføring av mange tidlegare riksvegar.

Fylkeskommunen har etter vegtrafikklova §40A eit ansvar for å tilrå og samordne tiltak for å fremja trafikktrygginga i fylket (for heile vegnettet) og det vert difor utarbeidd fireårig handlingsplan for trafikktrygging.

Frå 1/1 2010 kan departementet gje føreskrifter med nærmare bestemmelsar om at fylkeskommunen vert pålagd å utarbeida og gjennomføra ulike tiltak knytt til trafikktrygging.

Fylkeskommunen har vidare, frå 1/1 2010, gjennom folkehelselova fått ansvar for å fremja folkehelsa. Mellom anna skal fylkeskommunen førebyggja skade og liding. Dette ansvaret må sjåast i samanheng med det førebyggjande trafikktryggleiksarbeidet i fylkeskommunen. 

Fylkeskommunen tildeler tilskot til trafikktryggingstiltak på kommune- og fylkesvegar (”Aksjon skuleveg-midlar”).

Politiet:

• Samarbeider med skule/barnehage om trafikkopplæring
• Etterforskar og rapporterer trafikkulukker med personskader
• Har vedtaksmynde for ein del trafikkregulerande tiltak
• Gir fråsegn i skiltsaker
• Politi, lensmann og utrykkingspoliti (UP) gjennomfører kontroll av førarar og køyretøy.

Private og friviljuge organisasjonar mv.:

Trygg Trafikk gir trafikkfagleg støtte til lag og organisasjonar, og har utarbeidd undervisningsmateriell til bruk i skule og barnehage. Organisasjonen arbeider for å oppnå best mogleg trafikktryggleik for alle trafikantgrupper og har tilsett sekretær i alle fylka.

Bilorganisasjonar (NAF, MA…) deltek ofte økonomisk og på annan måte. Dette kan og gjelde andre trafikantorganisasjonar, t.d. sykkelforbund.

Trafikkskulane og rutebilselskapa har og ei viktig rolle i trafikktryggingsarbeidet.

Kommunane:

Kommunane eig og driv det kommunale vegnettet.

Hovudtrekka i kommunane sitt trafikktryggingsarbeid går fram av denne tabellen:

Kommunane kan påverka tiltak på fylkes- og riksvegar, trafikkopplæring og kontroll/-overvaking, m.a. i høve korleis tiltak skal prioriterast. Kommunale veg/trafikktryggings-planar er  her viktige. Kommunane kan og fastsetja fartsgrensene på kommunale vegar.

Det vert her gjeve eit kort oversyn over heile vegnettet i kommunen og sagt litt om standard og drift/vedlikehald. Trafikkfarlege stader på vegnettet kjem me nærare attende til i kap. 4.0.

2.1 KORT OM KOMMUNEN

Årdal kommune har 5477 innbyggjarar (01.10.14).   Dei fleste av desse bur i tettstadene Årdalstangen nede ved Sognefjorden og Øvre Årdal, om lag 13 km lenger framover i dalføret. Kommunen sin sentraladministrasjon ligg på Årdalstangen.

Utanom dei to tettstadene er det relativt tettbygt i Seimsdalen (knytt til Årdalstangen) og i Utladalen (knytt til Øvre Årdal). Vidare er det spreiddbygde grender i Fardalen, Vikadalen (Naddvik) og Offerdal – det siste bygdelaget har hatt vegtilknyting berre nokre få år.

Dei to tettstadene er bundne saman av Fv53, som på denne strekninga går gjennom område utan busetnad og med svært bratt og fjellrikt (dels rasutsett) terreng. Denne delen av riksvegen er etter måten sterkt trafikkert.

Fjellvegen Årdal – Tyin (Fv53) bind kommunen saman med Austlandet  (Valdres). Til eige fylke er det vegsamband til Lærdal kommune, med vidare tilknyting mot Bergen (Lærdals-tunnelen) og mot Austlandet (viaValdres/Hallingdal) og via ferjesambandet Fodnes – Mannhiller nordover i fylket/landsdelen.  Då sambandet til Lærdal kom, gav det sterk auke i trafikken i ytre deler av kommunen (Vikadalen)

2.2 FYLKESVEG 53

Den ovannemnde vegen er frå 01.01 2010 omgjord frå riksveg til fylkesveg (Fv53). Vegen omfattar ei strekning på ca. 52 km – frå grensa mot Lærdal i vest og austover til grensa mot Oppland Fylke (Vang i Valdres).

Den vestlegaste delen (til og med Vikadalen) er relativt nybygd og har høg standard med to køyrefelt.  Strekninga vidare inn mot Årdalstangen er eldre med meir varierande standard, både når det gjeld dekke og kvalitet på tunnelane.

Strekninga Årdalstangen – Øvre Årdal har, som nemnt, stor trafikk. M.a. er det mykje tungtrafikk mellom industriverkemdene på Årdalstangen og i Øvre Årdal – hjørnesteins-verksemdene i kommunen. Det er nokre tunnelar og nokre rasutsette stader på strekninga

Siste del av Fv53, mellom Øvre Årdal og Tyin (fylkesgrensa i aust), har dels låg standard. Manglande vinterregularitet vert likevel av kommunen her opplevd som det største problemet.

Statens Vegvesen har, i samarbeid med fylkeskommunen, det daglege ansvaret for fylkesvegane.

2.3 ANDRE FYLKESVEGAR

Desse er:
Fv301:  Øvre Årdal – Utladalen (Hjelle) – ca. 7,0 km
Fv302:  Øvre Årdal – Fardalen (Midtun – Åbøle/Haug) – ca.5,4 km
Fv303:  Årdalstangen – Seimsdalen – ca. 6,5 km

Fv303 har ei grense på maks 10 tonn akseltrykk. Det same har Fv301 med unnatak for om lag 400 meter ved Hjelle (8 tonn). Fv302 har maks 8 tonn akseltrykk.

Største lovlege køyretøybreidde er 2,55 m på desse tre vegane, medan største lovlege lengde for vogntog er:
18,75 m for Fv301 (12,40 m for ei strekkje på 400 m ved Hjelle)
12,40 m for Fv303
10,00 m for Fv302

Seimsdalstunnelen mellom Årdalstangen og Seimsdalen  (Fv303) har for låg standard med omsyn til breidde og høgde. Dette skaper problem både for trafikkavvikling og når det gjeld trafikktryggleik.

2.4 KOMMUNALE VEGAR

Omfang av kommunalt vegnett:

Vegregister for kommunale vegar ligg ved (vedlegg 2)

Kommunen forvaltar eit omfattande vegnett, til saman ca. 67km, slik det går fram av samletabellen nedanfor og det vedlagde vegregisteret.

Kommunen har i tillegg eit omfattande frittliggjande gang/sykkelvegnett og parkeringsplassar og anna torg/plassareal mm. som ikkje går fram av registeret.

Lovleg akseltrykk

Børtnesvegen, Ø.Årdal (450m), vegar i Fardalen (2.750m) og  i Offerdalen (12.170m) har ei grense på maksimalt 8 tonn akseltrykk. Resten av det kommunale vegnettet har grense 10 tonn.

Offerdalsvegen har nedsett akseltrykk til 6 tonn i teleløysinga.

Lovleg storleik for køyretøy

Dei kommunale vegane har ei lovleg breidde for køyretøy på 2.55  meter.  Lovleg lengde for vogntog varierer frå 18,75 m for nokre av dei viktigaste vegane ned til 10,00 m

Vurdering av tilstanden på kommunale vegar

I vegregisteret er det eigen kolonne for vurdering av tilstanden og for merknader til kvar enkelt veg.

Alle dei kommunale vegane med få unnatak er breiare enn minimumskravet sett i vegnormalen: 3,0 meter vegbreidd med 0,5 meter skulder på kvar side.

Drift og vedlikehald fungerer bra. I veg/trafikktryggingsplan 2015 – 2025 vart det vedteke kommunal standard for drift og vedlikehald (vedlegg 4). Denne vart utvida, gjelder også for park/idrettsanlegg. Krav til nye veganlegg er og teke inn.

Asfalteringsbehov for dei første 6 åra går fram av ein eigen asfalteringsplan som vert revidert/rullert kvart år.

Vegsektoren i kommunen – organisering og økonomi

Veg/anlegg/transport er eigen seksjon innafor avdeling Teknisk. Utetenesta på vegsida nyttar 3 årsverk i tillegg til avdelingsleiar felles med utetenesta for parkar.

3.1 ÅRDAL TENK TRYGGLEIK (ÅTT)

Årdal tenk tryggleik er eit samarbeidsprosjekt mellom Årdal kommune/Tekniske tenester, Skadeforebyggende Forum, Politiet, Statens Vegvesen, lokalt næringsliv, lag og organisasjonar og bygdefolk flest.
Føremålet er å førebygge skade ulukke og kriminalitet i kommunen ved å få alle til å ta del.
Årdal tenk tryggleik er ei ”adresse” alle kan vende seg til, og der alle får svar.
Attendemeldingsgarantien er drivkrafta i konseptet og lokalsamfunnet tenkjer såleis tryggleik både i fritid og arbeid.
Prosjektet vart etablert 1988 og kommunen vart i år 2000 godkjent som Trygt Lokalsamfunn.
Styrande komité, som er Årdal tenk tryggleik sitt øvste organ, er tverrsektorielt/tverrstatleg samansett. Næringsliv, lag og organisasjonar er representert i komiteen.

Trafikktryggleik har sidan starten hatt høg prioritet .
Politi, kommunalteknikk, skulane, lokale bedrifter og Trygg Trafikk er viktige
Samarbeidspartnarar på dette området.

Andre aktivitetar i Årdal tenk tryggleik er:

• Mottak loggføring av hendingar, situasjonar, forslag. Kontakt med rett instans i sakene.
• Årlege vernerundar i heile kommunens gatenett, med brev og foto til eigar av evt problem.
• Refleksvestar til barnehagane.
• Refleksvestar til 1. klasse i september.
• Utlevering av sykkelhjelm til 4. klassane.
• Prosjekt ”Politikameratane” for 15 åringar.

Folkehelsekoordinator er dagleg leiar for Årdal tenk tryggleik og er fast tilsett i 50% stilling med kontorstad Øvre Årdal

3.2 TRAFIKKREGULERING OG KONTROLL 

Lensmannskontoret samarbeider med lensmannskontora i Lærdal og Aurland, Sogndal politistasjon. Vidare har eit samarbeid med Statens vegvesen (særleg ved etterforsking), Årdal tenk tryggleik, Trygg Trafikk og andre.

Når det gjelder Årdal tenk tryggleik, samarbeider vi om besøk i barnehage(politibamsen), barne og ungdomsskule, og vidaregåande skule(russ).

Politiet og Statens Vegvesen har saman eit ansvar for overvaking og kontrollverksemd i trafikken. Politiet si trafikkovervaking gjeld alle sider ved vegtrafikken, medan Statens Vegvesen har eit noko meir avgrensa arbeidsområde (unge kjøretøy, teknisk kontroll).

Hovudføremålet for kontrolltenesta er å få ned talet på trafikkulukker. Kontrollane blir difor retta mot dei områda som gir størst effekt for trafikktryggleiken.

Kvart år vert det laga eigne trafikkplanar for Sogn (REGION Sogn).
I planane vert det sett opp :

Eigne måltal for:

• tal kontrollerte køyretøy i region Sogn
• tal reaksjonar i region Sogn, som kan være; gebyr, førelegg eller anmeldelse 

Kva type kontroll:

• fartskontroll (laser, radar, gjennomsnittsmåling)
• promillekontroll – aktuelle helgar
• dokument
• adferd
• lys
• bilbelte
• skuleveg

I tillegg kommer nasjonale tema veker, fastsatt av POD.

Forvaltning

Sogn og Fjordane politidistrikt har blitt med i et prosjekt saman med fylkesmanne, som går på å bruke muligheitene i vegtrafikkloven som går på skikkethet til å inneha førarkort. 

Etter at dette prosjektet ble starta har det blitt en økning i antallet førarkort som er inndratt pga. misbruk av narkotika, alkohol, eller helsetilstand. Det blir tatt forvaltningsmessige avgjersler om at føraren ikkje fylgjer vilkåra for å inneha førarkort, og må på det grunnlaget levera førarkortet frå seg.

3.3 OPPLÆRING OG INFORMASJON

Barnehagane

Det er 2 barnehagar på Årdalstangen og 4 i Øvre Årdal. Desse driv førebygging t.d. ved samtale og ved rettleiing når borna er ute i trafikken. 

Tema som vert tekne opp er:

• Korleis ein kryssar ein veg, sjå seg for.
• Korleis ein går langs med vegen.
• Korleis ein oppfører seg når ein går på tur

Skulane

Kommunen har to oppvekstområde/skular: Øvre Årdal (Farnes skule) og  Årdalstangen (Tangen skule). Barne- og ungdomssteget vert på kvar av desse stadene administrert saman.

Trygg trafikk sin perm ”trafikkopplæring” vert nytta i informasjonsarbeidet, og ein trekker også inn andre eksterne ressursar som politi, Årdal tenk tryggleik osv.

Generelt vert alle elevane jamnleg engasjerte i registrering av trafikkfarlege punkt.

Småskulen 1. – 4.klasse:  

Det vert fokusert på skuleskyss og skulevegen til 6 åringane i samarbeid med politiet og Årdal tenk tryggleik.

Tangen skule

På Tangen skule øver dei minste i å gå skulevegen (rett side, gangfelt, kryssing, refleksbruk). Ein går skulevegen til kvar elev. Politiet kjem til skulen og deler ut refleksvestar og trafikkalendarar. I starten av året er det fylgjeteneste på skulebussen om dette syner seg nødvendig.

Dei noko eldre har meir om oppførsel i trafikken – praktiske øvingar i samband med uteskule.
Seinare går ein gjennom skilt/trafikkreglar i lag med politiet. Praktiske øvingar ute.

Tangen skule har i 4.kl. sykkel som tema, m.a. sykkelløype og sykkelprøve i lag med politiet.
Borna lærer å kontrollera om sykkelen er trygg og det er utdeling av sykkelhjelmar (ved Årdal tenk tryggleik).

Farnes skule

Farnes skule køyrer eit trafikkopplegg ved skulestart for 1. – 4. kl. Dette omfattar t.d. politideltaking i nærmiljøet (m/stikkprøver), assistent/lærar på skulebussen, gjennomgang av bussvettreglar, utdeling av trafikkalender, Busse-Rulle og gåprøve.

Lensmannskontoret gjennomfører:

• Aksjon skuleveg – gå til/frå skulen.
• ”Busse Rulle” – vera med skulebussen.
• Refleksaksjon saman med andre – Årdal tenk tryggleik.
• Temadagar ”Gåprøve”.
• Informasjon om sykkel, verneutstyr og åtferd.

Mellomsteget 5. – 7. klasse

Det vert teke sykkelsertifikat i 4. kl. – om våren (elevane får ikkje sykla til skulen før i 5.kl.).
I 6. klasse er sykling og tryggleik tema.
Det er trafikkveke om våren 4.-7. kl. – avslutta med sykkelprøve.

Lensmannskontoret tek opp tema som:

• Haldningar/åtferd i trafikken.
• Viktige reglar - trafikkreglar og konsekvensar.
• Sykkel, verneutstyr, åtferd – ”Sykkeldag”.

Ungdomssteget 8.- 10. klasse

Trafikkundervisning vert i samsvar med fagplanar, integrert i andre fag – t.d. naturfag og data (trafikkstatistikk).

Tilbod om Trafikalt Grunnkurs vert gjeve til 10.- klassingane. Dette går inn som ein del av trafikk valfag.

I 10. klasse er det og eit orienteringsmøte for 16-åringar og foreldre, organisert av skulen, der folk frå Statens vegvesen (trafikkstasjon) møter for å orientera.
 
Elevane som har trafikk valfag underviser elevane i fjerdeklasse i ulike trafikale tema i samband med at elevane skal ha sykkelopplæring ute i trafikken. 

Lensmannskontoret gjennomfører/deltek i:

• Kriminalførebyggjande og haldningsskapande opplegg i ”Politikameratane”, over 2 dagar (9.kl.)
• Temaveke trafikk – prosjektarbeid – (Laser, gjennomsnitt....) 
• Tema kring trafikk og trafikkopplæring. 
• Trafikkampanjane ”ikkje tøft å vere død” og ”sei frå”
• Gjennomgang av trafikkreglar, konsekvensar av å utfordra naturlovene og å bryta dei juridiske lovene - haldningsskapande arbeid.

Trafikk og trafikkopplæring går inn som naturleg tema i natur og miljøfag, i matematikk og IKT. Politiet har vidare utarbeidd ein undervisningsperm der dei, saman med skulane, eller åleine, gjennomfører ulike tema med elevane.

Vidaregåande skule

I kommunen er det  ein vidaregåande skule, lokalisert til Øvre Årdal. Skulen har engasjert seg ein del i trafikktryggingsarbeidet, og har tidlegare hatt trafikkopplæring som eit valfag.
Skulen har opplegg (temadagar) om trafikktryggleik, og deltek i ei samarbeidsgruppe (jf. ÅTT) om tryggingsarbeid på dette feltet.

Årdal tenk tryggleik arbeider for å få til årleg temadag innan trafikktrygging.

Politiet gjennomfører/deltek i:

• trafikkreglar/konsekvensar/førarkort for bil
• RUSS og trafikk – åtferd, rus

4.1 LANDET OG GENERELT 

Etter vegtrafikklova skal alle trafikkuhell med personskade rapporterast til politiet. 
For dødsulukker er rapporteringsgraden nær 100 %. Sameleis er det høg rapporteringsgrad for ulukker med alvorlege personskader, medan mindre alvorlege ulukker/skader aldri vert rapporterte anna enn til forsikringsselskap, legevakt/sjukehus. Kanskje vert  60 – 70 % av skadane aldri rapporterte - ev. berre rapporterte til forsikringsselskap, legevakt/sjukehus. 

Det er undersøkt om forsikringsselskapa sitt register for trafikkulukker kan nyttast som datagrunnlag. Det viser seg at talmaterialet her er mykje større enn det som ligg i politirapporterte ulukker. Materialet er ikkje kartfesta og har ikkje oversikt over personskader i samband med ulukkene. Det kan såleis vanskeleg nyttast i planarbeidet, men det stadfestar at mindre ulukker i liten grad vert rapporterte til politiet.

4.2 TRAFIKKFARLEGE STADER I ÅRDAL

Trafikkfarlege stader – aktuelle tiltak

Med bakgrunn i lokalkunnskap, vert ei rekke stader i kommunen vurderte som trafikkfarlege. 
                
Vedlegg 1 (innspel om trafikktrygging/parkering) er eit oversyn og ein kort omtale av desse stadene/tiltaka. Det er då teke utgangspunkt i tidlegare planarbeid og i innspel som har kome i planarbeidet no (etter særskild oppmoding), på arbeidsmøte i samband med planen og i kontinuerlege innspel til tekniske tenester og Årdal Tenk Tryggleik.

Årdal skal vera ein god stad å bu for alle grupper. Med bakgrunn i dette ynskjet og ut frå signal frå sentrale styresmakter, er det sett opp ein visjon for arbeidet med trafikktrygging og vegforvalting i Årdal:

For å oppnå dette, skal ein arbeida mot følgjande hovudmål:

1. Tryggleik:
Trafikantane skal ferdast trygt på vegnettet i kommunen.

2. Service:
Vegforvaltinga skal vera brukarorientert og gje god og effektiv service.

3. Funksjonelt vegnett:
Vegnettet skal vera funksjonelt for ulike trafikantgrupper.

4. Miljøomsyn:
Det skal takast omsyn til best mogleg miljø for trafikantar og for vegomgjevnadene

5. Vern om verdiar:
Det skal takast vare på dei verdiane vegsystemet representerer.

6. Økonomi og organisasjon: 
Utbygging, forvalting, drift og vedlikehald av vegnettet skal skje mest mogleg rasjonelt og kostnadseffektivt.

Dei ovannemnde hovudmåla vert nærare detaljerte med delmål og tiltak i kapittel 6.0.

Hovudmåla vert her inndelte i delmål – og med tiltak for å oppnå desse måla. Dei konkrete tiltaka på vegnettet er tekne inn i kapittel 7.0 (trafikktrygging) og 8.0 (heile vegsektoren).

6.1 TRYGGLEIK

*Føraropplæring

Det bør i 10. klasse haldast orienteringsmøte for 16-åringar og foreldre, organisert av skulen og der folk frå Statens vegvesen møter for å orientera.

Vidaregåande skule bør gje tilbod om trafikkopplæring, gjerne knytt til føraropplæringa.
Parallelt med ovannemnde vert det tilrådd køyretrening med t.d. foreldre frå fylte 16 år. Målsetjinga bør vera 150 – 200 timar eigentrening før førarprøven.

6.2 DEN KOMMUNALE VEGSEKTOREN GENERELT

Dette kapitlet gjeld dei tiltaka som spesielt er retta inn mot trafikktrygging. Kapittel 8.0 omfattar heile vegsektoren.

Dei tiltaka som er nemnde nedanfor skal gjennomførast i planperioden 2016 – 2026 (10 år) i samsvar med den prioriteringa som er nemnd nedanfor. Det er i stor grad lagt vekt på å fremja tiltak som vil betra tilhøva for skuleelevane og mjuke trafikantar generelt. 

Ansvarleg vil i utgangspunktet vera vegeigaren, dvs. fylkeskommunen for fylkesvegar og kommunen for kommunale vegar (evt.også private for nokre vegar). Det er likevel ein del prosjekt med delt ansvar.

For tiltak innafor fylkeskommunen sitt ansvarsområde vil kommunen oppmoda om at det vert teke omsyn til prioriteringane nedanfor.

7.1 STRAKSTILTAK/SKILTING OG STØRRE FYSISKE TILTAK

Strakstiltak/skilting er lite kostnadskrevjande tiltak som kan gjennomførast snøgt, tiltaka elles er meir omfattande.  

1,2,3 til høgre  = prioritet, strakstilttak/skilting er merka med  S

7.2 FARTSMÅLING

Det skal snarast gjennomførast fartsmåling på dei nedom nemnde strekningane.

Viss over 5% av køyretøya har for stor fart, skal det vurderast tiltak, t.d. 30-sone/-fartsdemping. Strekningane vil då bli prioriterte for  ev. tiltak så snart som mogleg.

7.3 DRIFT

Nedanfor er samla alle innspel som gjeld drift. 
Dette er tilhøve som i innspela vert sett på som spesielt vanskelege og som vil bli handsama snarast i tråd med kommentaren i kolonna til høgre, men er og døme på kva gode driftsrutinar har å seia også for trafikk-tryggleiken. M.a. har ÅTT faste rutiner for tiltak mot sikthindrande vegetasjon, jf. og kap. 6.1 (delmål 5) og vedl.4 (standard for drift og vedlikehald).

7.4 TRAFIKKTRYGGING - KOMMUNALE INVESTERINGAR 2016 - 2022

For planperioden 2016 - 2022 er det i utgangspunktet sett av kr. 250.000 i året til trafikktryggingstiltak  jf. kap. 8.4 nedanfor. Dette er kommunen sin del av kostnadene.
Tiltaka vil bli prioritert årleg, ut frå listene i kapittel 7.1 og 7.2.

Dette er  alle tiltak – også dei som i utgangspunktet har andre mål enn trafikktrygging. Døme kan vera miljøopprusting, tilrettelegging for tur/friluftsliv, bygging av nye vegar eller opprusting av eksisterande vegar (ut over vanleg vedlikehald).
Dei meir spesifikke trafikktryggingstiltaka går fram av kapittel 7.0.

Vedlikehald av fortau og gang/sykkelveg langs fylkesvegar i Årdal

Frå 1. september 2014 starta ein ny kontraktperiode for drift og vedlikehald av vegnettet i Indre Sogn. 

Fylkeskommunen har ansvar for Fv 53 med tilhøyrande gang- og sykkelveg samt fortau.

For resten av fylkesvegane i Årdal har fylkeskommunen ansvar for tilhøyrande fortau, men ikkje for gang- og sykkelvegar. Drift og vedlikehald av gang- og sykkelvegar langs desse fylkesvegane, er såleis framleis kommunen sitt ansvar.

8.1 TILTAK KNYTT TIL KOMMUNALE VEGAR 

I planperioden vil kommunen gjennomføra følgjande:

Standard for vegnettet
-    Asfaltering i samsvar med eigen plan
-    Opprusting av bruer i samsvar med brurapport 2013 (jf. kap.”Bruer” i vedlegg 3)

Miljøtiltak m.v.
-    Vidare sentrumsopprusting – jf. vedtekne planar

I tillegg kjem tiltak som kan gjelda vegnettet, men som i plan/ budsjettsamanheng høyrer til under andre område enn vegsektoren (t.d. mindre turstiar og andre miljøtiltak). Det vert m.a. synt til økonomi- og handlingsplan. 

8.2 PARKERING

Det er avsett soner for langtids- og korttidsparkering i sentrumsområda.  
Korttidsparkering skal vera maks 2 timar på vanleg parkeringsplass, og 15 min. på avlastingslommer langs fortauet (ved forretningar osv.)

Standard på parkeringsplassar, oppmerking/skilting
Krav til breidde/lengde osv. går fram av vedlegg 4.
Handikap-parkering er merka. 

Parkeringskapasitet for personbilar
Skilting med p-forbod ein stad må innebera auka kapasitet andre stader dersom behovet i det aktuelle området tilseier det.

Årdalstangen sentrum:
Parkering sentrum

Farnes sentrum:
Parkering sentrum
Oppretta ny parkering Jotunplassen

Torgplass
Det er ein plass med straum og ein plass utan straum i sentrumsområdet både i Øvre og Tangen.  Det er reglar for utleige – m.a. reglar for å unngå ureining/oljesøl.

8.3 BILVRAK PÅ OFFENTLEG VEG/PLASS

I mai kvart år held kommunen og politiet eit møte med gjennomgang av innmelde saker og det vert samstundes gjennomført synfaring.
Ansvarlege for vrak vert kontakta og gjevne ein frist for å fjerna vraket sjølv. Oppfyller dei ikkje fristen, vert vraka fjerna av det offentlege.
 

Vedlegg 1 - Trafikktygging innspel 

Vedlegg 2 - Vegregister

Vedlegg 3 - Krav til drift og vedlikehald

Vedlegg 4 - Ballbaner og leikeplassar

Vedlegg 5 - Kart og oversyn over ulike anlegg