Kort om prosjektet
To fanggjerde skal setjast opp mellom Finnsåstunellen og Kolnostunnelen. Funksjonen til eit fanggjerde er å ta imot steinsprang. Samla lengde på gjerda er om lag 950 meter.
Det lengste gjerdet er nesten 700 meter og går langs Finnsåstunnellen.
Gjerdet frå Kolnostunnellen er 260 meter.
Arbeidet er delt opp i fire fasar; Inspeksjon og reinsk, vegetasjonsrydding av traséen til gjerda, boring og etablering av forankringar til gjerda, så installasjon og montering av gjerda.
Etter at gjerda er installert, skal vegskjæringane under gjerda sikrast.
Status og framdrift
Før arbeidet med sjølve oppsetjinga av gjerda skal ta til, må entreprenøren inspisere og reinske områda ovanfor vegen for å sikre arbeidsstaden. Dette arbeidet pågår no. Entreprenøren har inspisert og starta naudsynt reinskearbeid. Ut frå inspeksjonen som er utført, ligg det an til at reinskearbeidet varar til veke 25-26, måndag til torsdag som skildra på 175.no.
Etter kvart som områda vert reinska og klarerte for vidare arbeid, startar naudsynt vegetasjonsrydding der gjerda skal opp. Dette arbeidet startar opp neste veke (veke 23), og vil pågå samstundes med reinskearbeidet. Samtidig reinsk og vegetasjonsrydding er eit tiltak for effektivisere arbeid og utbytte av trafikkavviklinga.
Trafikkavvikling - Dette me veit heilt sikkert:
Trafikkavviklinga vert som no inntil reinskearbeidet er ferdig. Me ser på om me kan gjere mindre justeringar. Starttid for stenging om morgonen er endra til 07.15.
Arbeidet er skilta på Fodnes, Tangen og i Øvre. Så lenge trafikkavviklinga er som den er, er vår og skiltmyndigheit si vurdering at “periodevis stengt” er rett å bruke. Skilta skal takast ned når arbeidet tek helg og dei dagane det ikkje pågår arbeid. Skiltinga skal tilpassast den gjeldande trafikkavviklinga.
I veke 27 og 28 vert det kun nattarbeid på anlegget og fri ferdsel på dagtid. Då skal arbeid med boring til forankringar utførast.
I veke 29 og 30 er det ferie og fri ferdsel på anlegget.
175.no skal til ei kvar tid ha oppdatert informasjon om vegarbeidet.
Det vi ikkje veit heilt sikkert:
Omfang av reinskearbeid og opphald grunna værtilhøva.
Omfanget av reinskearbeidet er estimert etter inspeksjon. Dersom det blir for dårlege værtilhøve for å utføre arbeidet, må det stoppast den tida det trengs. Dette er snakk om enkeltdagar. Slike stopp i arbeidet vert meldt ut så snart me veit, og 175.no skal oppdaterast.
Trafikkavvikling:
Førebels blir det ikkje forandringar i stenginga, men vi samarbeider med entreprenøren om justeringar for trafikkavviklinga. Me har fått nokre innspel, og no tek me ein runde til på å vurdere dei ulike fasane og arbeidsprosessane for å sjå kva me får til for det beste for trafikantane og prosjektet. Me kjem tilbake med meir informasjon når me har noko meir konkret.
De finn trafikkaviklinga her